Page 147 - Литература 10 кылаас 1 чааhа

туруорб­ ат сымнаҕас киһи быһыылааххын. Туох буруйу оҥорон
түбэс­пиккиний?

— Киһи сырыттаҕына сылдьар эбит. Уус аҕабын батыһан,
Бүлүү куоратыгар киирэн биир атыыһыкка дьиэ тутуһа сыл-
дьыбытым. Атыыһыт хотуна биирдэ миэхэ эмис баҕайы сүөһү
кэлин буутун эттэппитэ. Кырбас эти бэрсэрин оннугар толун-
ньаҥ уҥуоҕун быраҕан биэрбитэ. Мин өһүргэнэн ол толун-
ньаҥы хотун түөһүгэр төттөрү бырахпытым. Хамначчыттара
сырсан кэлэн үрдүбэр түспүттэрэ. Үтүлүк курдук илгэтэлээн
кэбиспитим. Атыыһыт бэйэтинэн ыадастан кэлэн миигин си­
рэйгэ силлээбитэ. Мин кинини түҥнэри охсон түһэрбитим.
Сыҥааҕын тосту охсубут этим… Миигин сууттаабыттара, Бүлүү
хаайыытыгар үс сыл сытан тахсыбытым. Эдэр ойохпун уон-
на быыкайкаан кыысчааммын олус ахтыбытым, ол иһин ки-
нилэргэ супту тиийбитим. Сааскы үрүҥ түүннэр саҕаламмыт
кэмнэрэ этэ. Дьиэм аана хатыыта суоҕа. Ааммын тоҥсуйбак-
ка, аһа охсон, дьиэбэр көтөн түспүтүм. Ороммор икки сыгын-
ньах киһи сыталлара. Өйдөөн көрбүтүм: кэргэним уонна бил­
бэт киһим таптаһа сыталлара. Көхөҕө хатыс быа ыйанан тура-
ра, ону сулбу тардан ылан ол киһини самыыга, сискэ миин­
нэртээн барбытым. Дьахтарым куттанан сарылаа да сарылаа
буолбута, эр киһи кэдэриҥнии түһээт, муостаҕа төкүнүйбүтэ.
Дьукаахтарым уһуктаннар, миигин тараччы тутан ылан, кэл­
ги­йэн кэбиспиттэрэ. Кыысчааным сүүрэн тойторуйан кэлэн
моонньубуттан кууспута. Араара сатаабыттара да, ытыы-ытыы
ордук ыксарытык ыбылы кууһаахтаабыта. Мин сүрэҕим мин-
ньигэс баҕайытык нүөлүйэ ыалдьыбыта. Онтон бэттэх кыыс­
чааммын санаатым да сүрэҕим нүөлүйбэхтиир. Дьукаахтарым
баайсаннар эмиэ хаайыыга киллэрбиттэрэ. Кыысчааммын ах-
тарым бэрт буолан куруук күрээн иһэбин. Бу билигин эмиэ
эйигин кытта күрэстим. Кыысчааным балачча улааттаҕа. Ки-
нини көрүөхпүн баҕарабын. Саатар биирдэ сыллаан ылларбын
эрэйбин-муҥмун умнан ылыам этэ… Дьикси­нэбин… Кыысчаа­
ным, баҕар, миигин чугаһатыа суоҕа… Хаай­ ыылаах буолла­
ҕым… Урукку кэргэним миигин холуннаран арааһы кэпсиирэ
биллэр… Билигин атын кэргэннээх… Баайдык олорор үһү.
Олороохтоотун… Мин киниэхэ харгыс-мэһэй буолар санаам
суох. Арай кыысчааммын көрө түһэрим буоллар!..

— Дьэ эмиэ дьоло суох киһи эбиккин!..
— Толору дьоллоох киһи төрүт суох. Дьадаҥы киһи тиийим-
мэт-түгэммэт буолан дьоло толору буолбатах. Баай киһи өссө
байыан баҕаран толору дьоллооҕунан ааҕыммат. Үрдүк соло-

147