Page 108 - Литература 10 кылаас 2 чааhа

Ол киһи Арассыыйа хотунтан ыыппыт кыһыл сэриилэрэ
Лена өрүһүнэн сотору манна кэлиэхтэрэ үһү. Биһиги, Наҕыл
улууһун суоҕа-дьадаҥыта бука бары бииргэ холбоһоммут,
баай дарбытыгар кимиэллээхтик кимэн киириэх тустаахпыт.
Бу Талба нэһилиэгиттэн Охоноос Маппыайап Саха уобалаһын
мунньаҕар сылдьыбыта. Ол мунньаҕы судаарыскай дьон са-
лайбыттар. Биһиги билигин баайдартан кыраны көрдүүбүт.
Саас-үйэ тухары бэйэбит хара көлөһүммүт тохтубут ходуһа-
ларыттан, бэйэбит чэрдээх илиибитинэн бу солуу турар со-
лооһуннарбытыттан биэрдинэр. Сири дууһанан түҥэттиэҕиҥ.
Биһиги да дьоммут буолбат дуо?! Биэрбэт буоллахтарына,
былдьаталаан ылыаҕыҥ! Сыҕаайаптар үлэһиттэрэ сөбүлүүл-
лэр, Талбалар Охоноосторо сөбүлүүр…
— Ээ, Сөдүөччүйэ, оҕоҕун илдьэ бэттэх кэл! — дии түстэ
Дьөгүөркэ, ити икки ардыгар солооһун саҕатыгар турар дьону
көрө охсон. — Кэлиҥ, куттанымаҥ, эмиэ эһиги курдук, дьа-
даҥылар мунньустан, бүттүүммүт олоҕун туһунан сэһэргэһэн
эрэбит. Эһиги Охонооскут манна баар!
Сөдүөччүйэ кимин-хайатын Дьөгүөркэ кэпсии оҕуста бы-
һыылаах, дьон эйэҕэстик мичээрдээбитинэн көрүстүлэр.
— Дьэ, биһиги, Талбалар да араастаах буолабыт. — Охо-
ноос дьонун мичээрдээбитинэн көрүстэ. — Мин эһигини кытта
күүспүн холбоору таҕыстым, оттон бу, Сөдүөччүйэ эһиги баай-
даргытыттан көрдөһөн аһыннара таҕыста.
— Аһыммаккалар! — биир аҕамсыйбыт киһи илбирийбит нэк
бэргэһэтин төбөтүттэн сулбу тардан ылан одууласта. — Биһиги
харахпыт уутугар хараастыбат дьон буолуохтара.
— «Баайдартан» буолан… Оттон, бу, Дьөгүөркэ эмиэ көмө-
лөстө дии. — Сөдүөччүйэ тууйаһын иҥнэри тутан көрдөрдө. —
Отонноотоххо оҥоойук туолар.
— Оонньоон этэбин. — Охоноос алы гынан кэбистэ. — Хата,
хаһан дойдулуугут? Эмиэ аргыстаспаппыт дуо? Мин сотору
төннөбүн ээ… — онтон Микиитэни илиититтэн хаба охсон
ылла. — Көрүҥ эрэ, судаарыскай бассабыыктары илэ бэйэ-
тинэн билсибит, бииргэ олорбут, кинилэри кытта бииргэ сыл-
дьан күбүрүнээтэр тойону суулларсыбыт киһи дьэ илэ бэйэ-
тинэн бу кэллэ.
Бары сэргэҕэлии түстүлэр. Охоноос уолу көтөҕөн ылан, бии
Дьөгүөркэ турбут төҥүргэһигэр туруора охсон кэбистэ.
— Кэпсии түс эрэ, Микиитэ…
Уол тугу эмэни этиэн дуу, эбэтэр саҥата суох ыстанан
түһэн, сүүрэн хаалыан дуу билбэккэ эргичиҥнии турда.

108