Page 120 - Литература 10 кылаас 2 чааhа

кыайбыттара чахчы! Ордук Серго! Саха баайдара алыс киэ-
бирэллэр диэн Ленинтэн сэрии көрдөөн ылан, ыыппыт дии.
— Ону барытын кини көрөн-истэн кэлбит киһи курдук кэп-
сээн эрдэҕин көр! — Сөдүөччүйэ оҕотун таптыыр хараҕынан
одуулаһан, сирэйэ эйэҕэстик сырдыы истэ.
— Билээхтиир буоллаҕым дии! Аны баайдар дьыалалара
хаахтыйдаҕа диэн кэбис! Аны кинилэргэ атаҕастатар холоон!
Аҕыйах биэрэстэни тулуппатылар, Бүтэйдэригэр тиийэ
оҕус тулар, кыракый балаҕаннара көһүннэ.
Микиитэ балаҕаныгар сүүрэн тиийэн хаһыытаабытынан кө-
төн түстэ.
— Дорооболоруҥ, доҕоттор! Куоракка биһиги дьоммут кыай-
быттар! Сир биһиэнэ буолбут! Баайдары киэр үүртэлиэххэ!
Эрдэлиир Миитэрэй баар эбит, ураатаабытынан ойон тур-
да, ытыһын охсуммутунан барда.
Охоноос Наҕылтан төннө илик буолан, куораты большевик-
тар ылбыттарын туһунан сонуну аан маҥнай Микиитэ аҕалла.
Maҥнайгы үөрүү-көтүү арыый намырыйарын кытта, Микии-
тэ этэрбэстэрин орон анныгар элитэлээтэ, ыстаанын өрүтэ
тардыммахтаата, быраатын Өлөксөйү көрсө охсоору, Арамаан
Дьөгүөрэптээххэ ыстанна.
Өлөксөй эбэтигэр барбыт.
Мутугунан төҥүргэстэри быраҕаттыы-быраҕаттыы, чараас
тыаны быһа түһэн, Өлөксөй утары иһэр эбит. Убайын көрө
түһээт, үөрэн мичик гынна уонна көрбөтөҕө буолан, умса тут-
тан кэбистэ. Микиитэ төҥүргэс кэннигэр саспыта буолла.
Өлөксөй билбэтэх буолан аттынан ааһан истэҕинэ, Микиитэ
«хых!» диэтэ. Дьиибэргээбитэ буолан, ол-бу диэки көрүөлээн
баран, Өлөксөй кэлэн төҥүргэһи мутугунан оҕуста:
— Туох баарый, манна?! Ээ, эн эбиккин дуу? — диэн, кини
ахсарбатах быһыынан аат эрэ харата caҥарда.
Хайалара да тугу да кыайан caҥарбакка, тыа адырҕайдана
хаппыт суолунан атах сыгынньаҕын баран истилэр.
— Биһиги кэллибит ээ, — диэтэ онтон Микиитэ.
— Эһиги кэлбит эбиккит дуу… Мин балаҕан кэннигэр чыы-
чаах уйатын булбутум уонна Арамааннаах ампаардарыттан
биир ытыы доруобунньугу хаспытым…
Кинилэр кэпсэтиилэрэ тахсыбата.
— Өлөксөй, эн миигин аҕынныҥ дуо?
— Ээ… Кыра оҕоҕо дылы…
Үөскээбит быллаардарын быыһыгар дуоһуйа оонньоон,
араа һы сэһэргэһэн, сарсын Талбаҕа сөтүөлүү киириэх буолан

120