Page 146 - Литература 10 кылаас 2 чааhа

Ону сүбэлэһэ ыҥырдым. Чэйиҥ, хайаҕыт сүрэҕэ чугаһый, этэн
иһитиннэриҥ?
С ы л г ы һ ы т. Хайабыт сүрэҕэ төрөөбүт ийэбититтэн ыраах
буолуой. Ол гынан баран, Кыыра биһикки иккиэн ыал хам-
наччыттарабыт. Онон кыахпыт суоҕа дьон билиитинэн биллэр.
Арай онон, оттон убайбыт, Одьулуун, ылыаҥ буоллаҕа дии,
бэйэҥ бас билэр сүөһүлээх-астаах, дьиэлээх-уоттаах киһи.
С а й с а р ы. Хайа, нохоо, Одьулуун, тоҕо саҥарбаккын,
инилэриҥ тылларын туох диигин?
О д ь у л у у н. Мин ол соҕотоҕун тугум буруйугар иитиэ-
мий? Сыл биэстэн биирин көрүөм, онтон ордугун атын оҕолор-
гор сырыттаҕыҥ дии. Итиччэтигэр даҕаны, миэнэ ороскуотум
үксүүр.
С а й с а р ы. Өссө ороскуоттаах баҕастаах. Баайга иитил-
лэҥҥин санааҥ бүтүннүү барыс эрэ эккирэтиитэ буолбут дии,
быһыыта. Мин оҕом буолуо дии санаабытым, кэҕэ оҕото эбик-
кин дии. Чэ, кэбис, бар, тахса тур, өрө тардыма, өрүһүйүмэ,
бостуой барыһыҥ хаалыа… Били оҕом Ньургуу истэрэ буол-
лар, төһө эрэ кэлэйэр этэ, күтүртэн.
О д ь у л у у н. Холдьохтоххутуна барымына хайыамый, хата,
барабын. (Тахсар.)
С а й с а р ы. Күтүр. Киһи диэн иитиллибитинэн да буо-
лар эбит. Туох гынаары оҕобун кэҕэлэргэ биэртим буолуой.
Чэйиҥ, олоруоххут дуо, барыҥ тойотторгутугар, миигин туох-
хутунан иитээри эһиги олороҕут? Туох аньыым иннигэр үрдүк
таҥарам миигин кэбилиир үһү, оҕобун сотору туруораа ини.
Оччоҕо оҕом Ньургуу биһикки бэйэбит да олоруохпут. Били
уол киирдэ дуу, суох дуу?
М о һ у о к. Баарбын, ийээ.
С а й с а р ы. Хайа, тукаам, эдьиийиҥ соботуттан амсайан
эрэр дуо?
М о һ у о к. Эдьиийим суох ээ…
С а й с а р ы. Но, ол оҕом ханна бардаҕай. Ол иһин арыый
дьэгдьийдим диэбитэ эбээ. Бука, булгунньаҕын тэллэҕэр тах-
сан сайылыгын көрө олороохтоотоҕо буолуо.
С ы л г ы һ ы т. Ийээ, тугу да билээхтээбэккин ээ, оҕоҥ,
оҕобут куһаҕан буолбут дии…
С а й с а р ы. Туох даа?
С ы л г ы һ ы т. Оҕобут куһаҕан буолан сытар диибин…
С а й с а р ы. Куһаҕан буолан даа?.. Ханна баарый? Илдьиҥ
эрэ миигин. (Илдьэллэр. Оҕотун сирэйин имэрийэн көрөр.)
Тоойуом… тоойуом, хайыы үйэҕэ тымныйан хаалбыт эбиккин

146