Page 198 - Литература 10 кылаас 2 чааhа

ЕФРЕМ СТЕПАНОВИЧ СИВЦЕВ—ТАЛЛАН БҮРЭ
(1909—1984)

Ефрем Степанович Сивцев—Таллан
Бүрэ Гражданскай сэрии кыттыылааҕа,
Саха Өрөспүүбүлүкэтин култууратын
үтүөлээх үлэһитэ. Туспа суоллаах-иис-
тээх тыл маастара, хоһоонньут. Итини
таһынан, учуутал, салайааччы уонна
ки һи, гражданин, патриот бы һыытынан
олорон ааспыт олоҕо дириҥ ис хо-
һоонноох.
Бэйиэт Таллан Бүрэ литератураҕа
1929 сыллаахха киирбитэ. Айымньы-
лара ааҕааччы киэҥ араҥатын түмэр,
оҕолорго анаан суруйуута үгүс. Тап-
тал, лиирикэ тиэмэтин тумнубат, айыл-
ҕа уонна Өлүөнэ өрүс бастыҥ тойуксута. Дириҥ толкуйдаах,
баай фантазиялаах сүдү уобараһы айар ураты поэтическай
тыллаах, истииллээх бэйиэтинэн биллибитэ.
Таллан Бүрэ «Уолан Эрилик» бэйиэмэтэ айар олоҕун сүрүн
айымньытынан буолбута. 1936—1937 сылларга саҕалаабы-
та, аан бастаан бэчээккэ 1944 сыллаахха тахсыбыта. 1947 с.
өрөспүүбүлүкэтээҕи куонкуруска бастакы миэстэни ылбыта.
Кэлин уларыйыылардаах 1963, 1971 сыллардаахха тахсыбыта,
онон бу бэйиэмэтигэр кини олоҕун устата үлэлээбитэ. Бэйиэ-
мэ 8 ырыаттан уонна эпилогтан турар. Эһиги быйыл бу бэ-
йиэмэттэн быһа тардыылары ааҕыаххыт.

Ааҕыы, ырытыы

УОЛАН ЭРИЛИК
(бэйиэмэттэн быһа тардыы)

Анабыл
И.Д.В.

Биирдэ иэйэр Муза көппүтэ
Сайсары киэҥ тулатынан,
Эргэ хомус тылын тарпыта
Алҕас көмүс кынатынан.
Онно хомуһа дьигиһийэн

198