Page 203 - Литература 10 кылаас 2 чааhа

Ыллаата ыйга дьиэрэһитэ
Ыраас тапталын муҥунан:

«Сарыалым оҕото,
Санаакам баҕата,
Түүллэргэр киирэммин
Түһэххэр сыттарбын.
Эдэрдиир бэйэҕэр,
Эйэҕэс хараххар
Халлааным сырдыга,
Холоонноох кырдьыга.
Көмүстээх чыычааҕым,
Көнньүөрдэ туойаҥҥын
Санньыйбыт доҕоргун
Саататар буолаҕын,
Аламай күнүкэм
Араҕас сарыала
Эйэҕэс күөнүнэн
Эйиигин сабыаҕа».

Кыыһа онно уолун алҕаата,
Cyhyoҕap сэгэрин эрийэ.
Хаастара хараара хамсаата,
Хараҕа уунан чаҕылыйа.
Андаҕайыым иэйиим долгунунан,
Кэхтэр кэмэ кэлиитинэн;
Андаҕайыым түһэр сулуһунан,
Төннүбэт кини төлкөтүнэн —
Соҕуруу халлаан билбэтэҕэ
Соҕурууттан маннык айыылары,
Хоту да сулус көрбөтөҕө
Хотуттан ордук сахалары…
Айталы уйгуурда, уолуйда.
Туналыйан тула көрүннэ,
Суугунуур cyhyoҕyн субунна.
Соҕуруу илиитинэн ыйда.
Уолан иһиллээтэ: ат кистээтэ,
Уонунан туйах тибигирээтэ.
Нууччалаах сахаларым айдаана
Ньуу-ньаа буолан чугаһаата.
Кини биллэ: ириэнэх суолун
Иҥнэри үктэтэн ирдээннэр,
Toҕo эрэ бу дохсун суолун

203