Page 204 - Литература 10 кылаас 2 чааhа

Toҕo үктэтэн сонордооннор,
Абыр-табыр ол сиэллэрэннэр
Айаннатан аххан иһэллэр.
Эрилик ат үөһэ ыстанна,
Эрдэҕэс улардыы хатанна.
Кыыныттан, килбэчийбитинэн,
Кылыһа лыҥкыр гынна.
Ойо биэрэн уйуһутта,
Уун-утары дьигиһиттэ.
Тэлээрдилэр. Көтүөн аттара
Күөннэринэн үтүрүстүлэр,
Xапсаҕай болотторо
Халтарыһан түстүлэр…
Уонна аймалҕан бүппүтэ,
Айталы суола сүппүтэ.
Ол ким эрэ иһэр. Уолан.
Били хатыҥҥа кини кэлбитэ.
Эргим-ургум көрөн, ол уолан
Арай кими да булбата.
Хааннаах кылыһын төлө түһэрдэ.
Иэгэйэн, сөһүргэстии түстэ…
Таптыыр аатын кини ыҥырда.
Сатараан саҥата сүттэ…
Биллэ: Дуолан дьоно сылдьыбыттар,
Айталыны уоран ылбыттар.
Арылыас уола — Тойон Дуолан
Саха кырасаабыссатын уоран,
Айдаан төрдүн адаҕыппыта,
Түрүлүөн бөҕөнү төрөппүтэ.
/…/

Ол курдук талба Сайсарыбар,
Доҕорун көрсөр сиригэр,
Арыт Уолан кэлэн аарыыра,
Аҥаардастыы кэлэн санааргыыра.
Онтон ыла ол Эрилик диэн
Ойуурга, тыаҕа caһap буолбут:
Оо, сүрэҕэ абанан туолбут,
Өйүгэр уһуктубут өһүөн…
Ким алаһа дьиэтиттэн бapбыт
Киниэхэ холбоһор буолбут.

204