Page 12 - Литература 11 кылаас 1 чааhа

Дьон-норуот барыта охсуһа тахсыбыта.
Халлаан сулуһунааҕар халыан элбэхтик
Хара тыа быыһыгар, хайыр таас күлүгэр
Партизан кутаата кытыаста умайбыта.
Суол сүнньүгэр, түүн күлүгэр
Өстөөх танката, кини халыҥ сэриитэ
Улаҕа ыраах Сибииртэн
Усталаах, Улуу Лена эбэттэн
Нууччалыын, сахалыын, эбээнниин,
Татардыын, буряттыын, чуваштыын
Элбээн субуһан кутуллан испиттэрэ,
Өстөөх сүрүн тоһута сүүрбүттэрэ.
Кыскыйар кыыдааҥҥа кыһаллыбат,
Ытыллар буурҕаҕа ымыттыбат,
Тибиллэр сүүрүккэ тимирбэт,
Оргуйар долгуҥҥа охсуллубат,
Сибирь тыйыс сэрииһиттэрэ
Уоту уотунан умса куласпыттара,
Чаҕылҕаны чаҕылҕанынан саба
дапсыспыттара…
Эйиэхэ, кырдьаҕас Улуу Ильмеҥҥэ,
Элбэхтэр эмискэ буомбаҕа түбэһэннэр,
Эн килэҥ муускар хаһыытыы хаалбыттара…
Кинилэр ол өлөр кыланыылара —
Өстөөххө хабара, кыайыыны ыҥырар
хаһыылара
Кыргыс толоонун устун кыладыйбыта,
Сэрии төлөнүн быыһынан дуораһыйбыта.
Кинилэр ол өлөр кыланыылара —
Кыайыыны ыҥырар хаһыылара,
Тыалынан-буурҕанан сатараан,
Аһыынан-абанан хабараан,
Төрөөбүт дойдуларыгар,
Аар тайҕаларыгар
Булчут отуутун уотугар күөдьүспүтэ,
Хонуу-толоон устун
Трактор тыаһыгар иһиллибитэ…
Өс-саас сэтэрэн өрө хаһыырбыта,
Сирдиин-дойдулуун уотунан уһуурбута…
Сибирь тыйыс уолаттара силлиэрбиттэрэ:
«Синэ биир! — утары кимэн киирбиттэрэ…

12