Page 120 - Литература 11 кылаас 1 чааhа

суол вокзалын ыскылаатыгар кукурузаны таллараллара, ыраах-
тааҕы былааһа эстиэҕиттэн иччитэх турбут байыаннай казар-
малары кыс хаар ортото сууйтараллара. Аһыыр-таҥнар эрэ
кыһалҕалаах кыыс этэр үлэлэригэр баран иһэрэ. Атыттар кур-
дук талымастаабатын иһин, бииргэ үлэлиир дьахталлара Шу-
раны сөбүлүүллэрэ, эр дьоҥҥо атаҕастаппаттара, көмүскэһэл-
лэрэ. Ол дьахталлар кыыһы икки сайын уонна күһүн дэриэбинэ
кулаактарыгар фрукта хомуйар, упаковкалыыр үлэҕэ бииргэ
илдьэ сылдьыбыттара.
Икки сыллааҕы сайын Киселёв бу гостиницаны горкомхоз-
ка биэрбитигэр үлэһиттэр наада буолбуттара. Онно комму-
нальнай үлэһиттэр профсоюзтарын райкома Шураны ыыппы-
та. Онтон ыла кини манна үлэлиир. Былырыын коммунальнай
үлэһиттэр конференцияларыгар Шураны профсоюз райкомун
чилиэнинэн талбыттара.
Шура ый аайы ылар хамнаһыттан кэмчилээн, ордорунан,
билигин сэнэх соҕустук таҥнар. Күтүөтэ, Шура таҥнар буол-
бутун көрө-көрө, «мин үлэлээн өлөрөр үппэр таҥнар!» диэн,
иһэ эрэ хайдыбат. Итирэн кэлэ-кэлэ айдаарар, үөхсэр. Онтон
ыксаан, Шура ийэтигэр:
— Дьиэтэ куортамнаһыах, туспа олоруох! — диирэ да, эмээх-
син сиэнигэр убанан хаалан буолбатаҕа. Ол эрээри, эмээхсин
кыыһын аһына саныыра. Тугу да гыныан булумуна, этэрэ:
— Шура, эргэ таҕыс, туспа ыал буол.. Тугун, манна миигин
кытта, абааһы көрдөрө-көрдөрө, олоруоххунуй? — диэн..
— Тася-а, истэҕин дуо?.. Анкетатыгар бу курдук суруйбут:
«Омуга саха», «Партия чилиэнэ», «Кэргэнэ суох»… Дальнай
Востоктан Молдавскай пограничнай этэрээккэ застава началь-
нигын көмөлөһөөччүтүнэн кэлбит…
— Шура, ууран кэбис!.. Аны түбэһэ кэлиэҕэ, — дьуһуурунай
дьахтар сэрэхэчийэ көрдө.
Шура тугу да саҥарбата. Тоҕо эрэ, мичээрдии-мичээрдии,
Владимиров анкетатын хаттаан көрдө уонна ыскаап дьааһыгар
укта.
— Тася, омугун саха диэн суруйбут ээ.. Эн кинини казах
диигин.. Сахалар ханна олороллоро буолуой?..
— Ханна да олордуннар, эмиэ туохпут кыһалҕатыгар ыйы-
таластахпытый, — диэн, Тася сөбүлээбэтэхтии көрүтэлээтэ.
— Мин ыйытыам эбээт! — диэтэ Шура.
— Шура, сарсын дьуһуурунайдыыр кэмҥэр ыйытаар. Дьэ,
онно дуоһуйа кэпсэт. Шурочка, син бэрт көрүҥнээх уол буол-
бат дуо?! — дии-дии, Тася күллэ.

120