Page 123 - Литература 11 кылаас 1 чааhа

руорда, түннүгүн саппата, таҥаһын сыгынньахтаммата, оро-
нугар тиэрэ түһэн сытта. Байыаннай оскуоланы бүтэрэригэр
Саха сирин военкоматыгар сурук ыыппытын өйдөөтө… Суру-
гар уонна телеграмматыгар хардарбатахтарыттан хомойбута,
абарбыта өйүгэр көтөн түстэ.
Сарсыарда туран, аһаат, этэрээт штабыгар кэллэ. Михай-
ловка киирдэ. Михайлов тугу эрэ суруйа олорор. Кинини
көрөөт, суруйа олорбут кумааҕытын киэр уурда.
— А-а, табаарыс Владимиров, төһө үчүгэйдик сынньанныҥ?
— Табаарыс Михайлов, манна тугу гына олоруохпунуй, зас-
тавабар тахсыыһыбын.
— Тоҕо тиэтэйэҕиний?.. Куоракка сынньана түспэккин дуо?..
Ыраах айантан сылайбытыҥ чахчы, — дии-дии, Михайлов тур-
да, хоһун иһигэр төттөрү-таары хаамыталаата.
— Туохтан улаханнык сылайдахпыный… Анаммыт сирбэр
тиийиэхпин баҕарабын.
— Оннук буоллаҕына, мин комендаҥҥар төлөпүөннүөм… Ат
ыыттаран ылларыаҕа.
— Мантан соччо ырааҕа суох курдук этэллэр ээ… Баҕар,
сатыы да тахсыа этим.
— Сатыы?.. Син ыраах сир ээ… Мантан комендатураҕа диэ-
ри 16 биэрэстэ, онтон Обручу заставата 8 биэрэстэ курдук
буолуо.
— 24 биэрэстэ, ыраах аатырыа дуо?.. Оччолооҕу хаамыл-
лара.
— Үчүгэй!.. Үс хонуктааҕыта, Обручу заставатыттан Котов
пограничник санчааска эмкэ киирбитэ… Бэйи эрэ, мин онно
төлөпүөннэһиим эрэ, — Михайлов төлөпүөнү эрийэн куугунат-
та. — Алло… Миэхэ санчааһы холбооҥ!.. Да-да, бу санчаас
дуо?.. Ким истэрий?.. Табаарыс доктор, этэрээттэн Михайлов
саҥарабын… Эһиэхэ Обручу заставатыттан Котов пограничник
киирбитэ дии? Да-да, кини хайдаҕый?.. Бүгүн таһаарабыт даа?
Хас чааска таһаараҕытый?.. Икки кэнниттэн… Үчүгэй, кинини
манна, миэхэ ыытаарыҥ… Баһыыба, табаарыс Фаинберг! —
диэт, төлөпүөн туруупкатын уурда. — Табаарыс Владимиров,
сирдьит көһүннэ… икки чааска манна миэхэ кэлээр.
— Чымыдааммын илдьэ кэлэбин дуо?
— Чымыдааҥҥын туппутунан барыаҥ дуо?.. Кэбис, сатам-
мат!.. Манна аҕалаар, мин заставаҕа көлөнөн тиэртэриэм.
— Истэбин, табаарыс начальник! — диэтэ Сэмэн, заставаҕа
бүгүн барар буолбутуттан үөрэн.
Төһө да эрдэтин иһин, Сэмэн бэрт тиэтэлинэн гостини-

123