Page 127 - Литература 11 кылаас 1 чааhа

халтаһаларын сутуругунан ньухханна, онтон оронугар олордо.
Ааны аһан, застава начальнига Бабинцев киирдэ. Лаампаны
уматан, хос иһин сырдатта.
— Утуйа охсубут эбиккин дуу?.. Саҥардыытааҕыта, мин
дьиэ бэр кэлэрбэр, тугу эрэ суруйа олорор курдугуҥ дии? —
диэн Бабинцев уһугуннарбытын кэмсиммит курдук көрүтэ-
лээтэ.
— Табаарыс начальник, хайа, барабыт дуо?
— Баран-баран.
Заставаҕа киирэн, отделение командира Быковы ыллылар.
Үһүө буолан, сып-сап курдук түргэнник тэринэ охсон, барды-
лар. Ханна тоһуур оҥоро баралларын Сэмэн билбэт. Кини зас-
тава начальнигын батыһар. Кэтэх суолунан «Турунчук төрдө»
диэн ааттыыр сирдэригэр тиийдилэр. Турунчук Днестр өрүс -
тэн арахсар сириттэн тахсар омоон суол, фруктовай садтар
быыстарынан Обручу сэлиэнньэтин кэтэҕинэн ааһар айан суо-
лун туораан, уон аҕыс биэрэстэ тэйиччи сытар «чугунка» Ку-
чурган диэн станциятыгар тиийэр, онтон «чугунканы» туораан,
немецкэй колонияҕа, «Страсбурга», тиийэн муҥурданар. Урут,
тимир суол тутуллуон иннинэ, киэҥ эбитэ үһү. Немец колонис -
тара хастыы эмэ көлөлөөх кэлэн, Обручуттан, Слободаттан
уонна Глинойтан фрукта атыылаһан илдьэллэрэ. Кэлин, ти-
мир суол тутуллуоҕуттан ыла, бу суол хаалбыт, дьон сыл-
дьыбат буолан, отунан-маһынан бүөлүү үүнэн, омооно эрэ
көстөр буолбут. Ол эрээри, Страсбургтан, Кучургантан уонна
Одессаттан «демаркационнай линияны» туораан, Бессараби-
яҕа куотааччылар бу омоон суолу тутуһан кэлэллэрэ. Ол иһин,
«Турунчук төрдүн» учаастагын, кэтэбилэ, көрүүтэ суох хааллар-
баттар. Застава начальнига Иван Иванович Бабинцев бүгүн
көмөлөһөөччүтүн, «тоһуур оҥорорго» үөрэтэ таарыйа, манна
аҕалла.
Соҕурууҥҥу ыас хараҥа түүн Днестр өрүс кытылын саба
бүрүйэн турар. Садтар, яблоко, персик, айва отоннор минньи-
гэс сыттарынан дыргыйаллар. «Турунчук төрдүн» учаастагар
кэлэн, Бабинцев ыйыытынан, омоон суол уҥа өттүгэр, суон
үөт мас төрдүгэр олордулар.
«Хайаан да бу суолунан ким эрэ кэлэрэ буолуо!» диэн, Сэ-
мэн кэтэһэ санаата. Кини, тоһуурга олорон, этинэн-хаанынан
барытын иһиллииргэ дылы. Дөрүн-дөрүн, Днестр өрүс уутун,
эрдии салбаҕынан охсор курдук, чал гынар тыас иһиллэр. Сэ-
мэн ону иһиттэр эрэ тыынан туораан иһэллэр дии саныыр.
Олороллор, көһүтэллэр да, туох да биллибэтэ, кэлбэтэ, уу тыа-

127