Page 135 - Литература 11 кылаас 1 чааhа

часовщик кэргэниниин Надялыын киирэ сырыттылар… Таай,
Шура, тоҕо киирэ сылдьыбыттара буолуой?
— Наумнуун арыгы иһэ киирэ сырыттылар ини, — Шура
дьаа лата суох хардарда.
— Акаары, Одессаттан Микэ эдьиийин уола кинилэргэ ыал-
дьыттыы кэлбит, — диэтэ Клава.
— Тоойуом, Микэлээх ол уолу кытта эйигин билиһиннэрээ-
ри гыналлар, — диэтэ ийэтэ эмээхсин уонна Шура эҥил баһын
имэрийбэхтээтэ. — Ол уолга эргэ тахсарыҥ буоллар… Дьолуҥ
буолуо… Одесса биһиги куораппытыгар холобурдаах куорат
буолуо дуо? Муората, порда, улахана, кэрэтэ.
— Ийээ, хас ыалга кэлэр ыалдьыттары кытта тоҕо миигин
билиһиннэрэ, холбуу сатыыгыный?
— Акаары, тугу өйдүөҥ баарай!.. Эйигин билэр буоланнар,
ол Микэлээх сурдьулара уолу кытта холбуу сатыыллар, — диэн
Клава хабылыктанна.
— Хайдах?.. Мин кинилэр сурдьуларын урут көрө да, кэпсэ-
тэ да илик уолум… Онно хайдах миигин биэрэн ыытаары гы-
наҕытый?
— Бүгүн күнүс, эбиэккэ, сурдьуларын илдьэ Микэлээх би-
һиэ хэ кэлиэх буолбуттара… Онно көрүөҥ, билсиэҥ буоллаҕа
дии, — диэтэ Шураҕа ийэтэ.
— Хата, үчүгэйдик суун-тараан… Саҥа былаачыйаҕын кэт,
киэргэн!
Шура соһуйбут курдук, маҥнай ийэтин, онтон эдьиийин
сирэйдэрин кэриччи көрүтэлээтэ.
— Эһиги, эһиги ол уолларын көрбүккүт дуо?
— Сэрэйбит көрбүттээҕэр ордук, Одесса курдук улахан куо-
ракка үөскээбит уол чахчы үчүгэй буолуо, — диэтэ ийэтэ.
— Одессаҕа эргэ тахсан олороруҥ, истиэххэ да үчүгэй
буол бат дуо, ааргы! — Клава балтын үрдүгэр түстэ.
Шура: «Хойутаабыккыт!.. Мин сүрэҕим сөбүлүүрүн, таптал-
лаахпын булбутум!» — дии санаан мичээрдээтэ.
— Микэ часовщиктаах өссө тугу кэпсииллэрий?.. Ол Одес-
саттан сылдьар сурдьулара миигин көрө илик буолбат дуо?
Уонна хайдах сыбааттарын ыытарый? — диэн, Шура холкутук
ыйытта.
— Үнүрүүн Микэ кэргэнэ киирэн, эн хаартыскаҕын улар-
сык ылан тахсыбыта, — диэн, Шураҕа ийэтэ кэпсээтэ. — Ону
Одессаҕа сурдьуларыгар көрдөрө ыыппыттар… Уол эйигин,
хаартыскаҕыттан көрөн, сөбүлээн кэллэҕэ дии.
Шура тулуйбата, лаһыгыраччы күллэ. «Кыыспыт туох буол-

135