Page 136 - Литература 11 кылаас 1 чааhа

ла?» — дэспиттии, ийэлээх эдьиийэ көрөн турдулар. Шура,
кыатана сатыы-сатыы, күлэр да күлэр.
— Хаартысканы көрөн сөбүлээбит буоллаҕына, ыллын!
— Шура, күлүмэ!.. Хаскар диэри кэргэнэ суох сылдьаары
гынаҕыный? — диэтэ Клава.
Шура тугу да саҥарбата. Өскөтө кини утарыластаҕына, ол
уолу көрүөн да баҕарбатын биллэрдэҕинэ, эдьиийэ уонна ийэ-
тэ уорбалыахтара. Ол иһин, Шура эттэ:
— Миигиттэн ураты кыыһы булан көрбөтөх муҥур сордоох
буоллаҕына, кэллин… Кини миигин көрдүн, мин кинини көрүөм!
— Шура, чэйдээт, баанньыкка бара оҕус!.. Эбиэт да кэмэ
кэлэрэ өр буолуо суоҕа, — диэтэ ийэтэ.
Шура, кырдьык, сып-сап курдук түргэнник чэйдээтэ. Баар-
суох мааны таҥаһын ылла, дьиэтиттэн таҕыста. Ийэлээх
эдьии йэ, Микэ часовщиктаах киирэн эбиэттиэхтэрэ диэн, сар-
сыарда эрдэ баран баһаартан атыыласпыт икки кууруссала-
рын өлөрөн, үргээн буһардылар. Дьиэлэрин ыраастаатылар,
иһиттэрин-хомуостарын сууйдулар-соттулар.
Шура баанньыкка баран суунна, мааны былаачыйатын кэт-
тэ уонна оспуоччуктар мустар сирдэригэр кэллэ. Оспуоччук
фаэтонугар олордо уонна гостиницаҕа тэптэрэн кэллэ. Кыыс
таҥнан, киэргэнэн киирбитин Киселёв көрөөт:
— Хайа, бу хайа бэйэлээхтэрэ киирдэ диэбитим, эн эбиккин
дуу?.. Бу ханна бараары киэргэнниҥ, эргэ тахсаҕын дуу? —
диэтэ.
— Идэлээх союзтар уобаластааҕы комитеттарын соруда-
ҕынан Ново-Владимировкаҕа тахсан иһэбин… Тутуурдаах сыл -
дьыам дуо, манна ууруум, — Шура уларытыммыт таҥаһын
ыскаапка уурда. — Киирдэхпинэ, ылыам!
— Ким тыытыа буоллаҕай, сытыаҕа! — диэтэ Киселёв уонна
күрдьүөтээбит оҕус курдук көрөн дьэрэлиттэ.
— Быраһаай, табаарыс Киселёв! — диэтэ Шура уонна ми-
чээрдээтэ.
— Һэ!.. Сылтан ордук кэм устата бииргэ үлэлээтибит да, бу
курдук тупсубуккун, кэрэтийбиккин көрө иликпин… Дьикти!..
Эдэрим эбитэ буоллар… Һа-һа! — Киселёв төтөлө суох күлбэх-
тээтэ. — Эргэ тахсаары гыммыккын дуу, хайдах дуу?
Шура гостиницаттан тахсан оспуоччукка тиийэн, холку ба-
ҕайытык:
— Кара сэлиэнньэтигэр, — диэтэ.
Оспуоччук атын муоһатын хамсатта, уоһун чобурҕатта:
— Ну-у, мила-а-й, хамсаан ис!

136