Page 157 - Литература 11 кылаас 1 чааhа

Самодеятельнай хампаһыытар Виталий Андросов кэлин бэйиэт
икки хоһоонун ырыа оҥорбута өрүү ылланаллар: «Ньургуһуннар», «Күн
бытархайа».
Халаан уутун сүүрүктэрэ
Халдьыгырыы уһуннулар.
Хойууккатын үүммүттэрэ
Халдьаайыга ньургуһуннар.
Саас кэлбит бэлиэтин — сүүрүктэр халдьыгырыы усталларын,
халдьаайыга ньургуһун үүммүтүн, этэргэ дылы, тыастыын-уустуун,
көстүүлүүн түөрт эрэ устуруокаҕа бэйиэт этэн кэбистэ. Салгыы са-
йыннаран ньургуһуннар сайылык кыргыттарын санатан, былааттарын
баанан кэбиһэллэрин, ньургуһун курдук, бөлөх-бөлөх мусталларын
ойуулуур. Эмиэ да биһилэх кистэһэллэр, атах тэпсэллэр, кыыртаах
кус буолаллар, бырыычыкалаан саһан хаалаллар. Бу кыра хоһооҥҥо,
ырыаҕа биһиги оҕо сааспыт, таптыыр оонньууларбыт барыта ахтыл-
лар. Ньургуһун-кыргыттар уолаттары кэтэһэллэр.
Дьэ, бу — Баал тыла, Баал уобарастааһына, Баал уратыта!
Н. Е. Винокуров-Урсун

Аах. Бил. Туһан
1. Г.Г. Вешников‑Баал Хабырыыс. Көннөрү киһи кэпсээнэ. —
Дьокуускай : ООО «Дани­Алмас», 2018. — 128 с.
2. С. Константинова, В. Г. Семёнова. Дьону үөрдүбүт үтүө­
кэннээх бэйиэт // Чолбон. 2018. № 4. — С. 48—58.

157