Page 189 - Литература 11 кылаас 1 чааhа

олох олорботум диэ дуо? Оннук киһи өлөртөн да куттаныах
туһа суох…
Лука оҕонньор, билигин бэйэтэ эмиэ кыайан тыын ылба-
тахтыы, айаҕын атан дириҥник үөһэ тыынан кэбистэ уонна,
остуолу тобулу одуулаан олорон, уоһун иһигэр ботугураата:
— Инньэ диэбитэ… «Иһит», «өйдөө» диэбитэ… Ити кини кэ-
риэс тыла эбитэ буолуо…
Кылаас иһигэр бүрүүкээбит уу чуумпуга оҕонньор ити ар-
гыый сибигинэйэн эппит тыллара ханнык да бэйэлээх хатан
хаһыытааҕар ордук дьэҥкэрэн, ордук сүрэххэ-быарга тиийэн
иһилиннилэр.
Оҕонньор салгыы кэпсиирин көһүтэн, оҕолор ылы-чып ба-
ран, мэктиэтигэр, хамсаабакка даҕаны олордулар. Оҕонньор
буоллаҕына, кинилэр кылааска баалларын даҕаны умнан кэ-
биспит курдук, бэйэтин санаатын саныы, тоһутталанан-тоһут-
таланан, уокка-кутааҕа кэриэрэн, төрүт киэбин, өҥүн-дьүһүнүн
да сүтэрэн кэбиспит тойон эрбэҕин тыҥыраҕынан остуол
сирэйигэр баар мутук оннун хасыһа олордо.
— Петров… ыарыыта хайаабытай? — тулуйбатах, долгуйбут
саҥа сэрэнэн-сэрэнэн аргыый ыйытта.
— Муус дьуххарыыта дьоммут оҥочонон киирэн балыыһаҕа
илдьибиттэрэ. Кэлин, үһүс сылыгар, сөтөл буолан өлбүтэ…
— Лука Максимович, өссө кэпсээбэккин ээ… — чочумча буо-
лаат, онтон-мантан көрдөһөр саҥалар иһилиннилэр. — Өссө…
— Һы!.. «Кэпсээ»!.. Көрүдьүөс кэпсээнинэн саататар остуо-
руйаһыт оҕонньору булбуттар дии!.. «Өссө кэпсээ!» — оҕон-
ньор үөхтэрэн өһүргэммиттии өс-саҕа буола түстэ. — Сэмэн
Кыымап, Лэгэнтэй Бөтүрүөп курдук манна сэбиэскэй былааһы
олохтоспут, холкуоһу төрүттэспит дьоннор олохторун, үлэлэ-
рин эһиги биэс тарбаххыт кэриэтэ билиэхтээх этигит. Өссө
эһиги ити кырдьаҕас учууталгыт Ипсиэболот Ньукулаайабыс
былыр манна хайдах үлэлээбитин-хамнаабытын эмиэ үчүгэй-
дик билбэккит буолуо. Итини барытын истибэккэ, билбэккэ,
эһиги ханна сылдьыбыккытый? «Ханна сылдьыбыккытый?»
диэн ыйытабын ээ мин, — оҕонньор олоппоһуттан ойон туран,
доҕолоҥо ордук күүскэ биллэрдик содьороҥноон түннүк диэки
аҕыйахта хардыылаат, оҕолорго эргиллэ биэрдэ. — Ама, эһиги
биирдэ эмэтэ санаан көрбөт бэйэҕит дуо: бу манна, биһиги
төрүөбүт нэһилиэкпитигэр, сэбиэскэй былааһы ким олохтоо-
бута, холкуоһу ким тэрийбитэ буолуой диэн, биһиги бүгүҥҥү
көҥүл, дэлэгэй олохпутун ким төрүттээбитэ буолуой диэн?! Бу
билигин эһиги туох да кыһалҕата суох үөрэнэргит туһугар үгүс

189