Page 21 - Литература 11 кылаас 1 чааhа
P. 21
Суостаах күннэрэ
Хара суордуу
Халаатаһан түстүлэр…
Билэбит ол хантан кэлбитин,
Билэбит ол туохтан буолбутун!
Хараҥа дьайыҥнаах
Капитал сириттэн
Хаанымсах фашист,
Харытын тиэринэн,
Дьол сырдык бу сирин,
Дьол-соргу биһигин
Боруогун үрдүнэн
Болуоннаһа атыллаата…
Куораппытын алдьатан,
Хоруо курдук тэпсээри,
Сэлиэнньэни үрэйэн,
Сири кытта тэҥнээри —
Суостаах тэргэттэринэн
Суптурута одуулаата,
Тууспаннаан, дьаадаранан
Тоҕута ытыалаата…
Кыһыл Армия
Кырыынан көрсүһэн,
Уһуктаах өргөстүү
Уун-утары кэтистэ,
Хомпоруун хотойдуу
Хорсуннук түһүстэ…
Ити курдук
Икки күүс —
Сырдык уонна хара күүс —
Эпсэри түсүһэн
Эллэһэн истилэр,
Хардары анньыһан
Хааннаһан бардылар…
Сүллэр этиҥнии
Сүҥкэн тыастар
Онтон буоллулар,
Көмүөл мууһунуу
Күрүлүүр ньиргиэрдэр
Онтон турдулар…
21
