Page 25 - Литература 11 кылаас 1 чааhа

Тыылга үлэбит
Тыыллыа ыстааллыы! — диэн,
Аан дархан андаҕары
Андаҕайдахпыт буоллун!

Хагдарытар-кугдарытар
Капитализм биистэригэр
Хонуубутун, толооммутун
Кубарыттарыахпыт суоҕа! — диэн,
Аан дархан андаҕары
Андаҕайдахпыт буоллун!
Самолёту миинэммит,
Салгыҥҥа ыытаммыт,
Ийэ сирбит үрдүттэн
Илбис хара суордарын,
Этиҥнии үлтү түһэн,
Эһэ-быһа туруохпут, — диэн,
Аан дархан андаҕары
Андаҕайдахпыт буоллун!
Өрүспүт, муорабыт түгэҕэр
Үмүөрүспүт өлүү сордоҥнорун
Ууну аннынан устаммыт,
Уһуутуур минанан ытаммыт,
Урусхал-сэмнэх оҥорон,
Умсара туруохпут! — диэн,
Аан дархан андаҕары
Андаҕайдахпыт буоллун!
Күөх толооммутун
Күрүөлүөхпүт, — диэн,
Оҕолуур оҕобутун
Уйалыахпыт! — диэн,
Кут-сүр биһигэ сирбитин
Куйахтыахпыт! — диэн,
Аан дархан андаҕары
Андаҕайдахпыт буоллун!

Армияттан биһиги
Атыммыт суох, — диэн,
Кырдьыкпыт туһугар
Кыргыһыахпыт, — диэн,
Кырдьык тимирбэт —

25