Page 26 - Литература 11 кылаас 1 чааhа

Кыайыахпыт! — диэн,
Аан дархан андаҕары
Андаҕайдахпыт буоллун!
Торҕон бөрөттөн
Толлон турдахпытына,
Тутах туттан
Чугус гыннахпытына,
Үүнэр ыччаттарбыт
Үөҕүү гынныннар! — диэн,
Аан дархан андаҕары
Андаҕайдахпыт буоллун!

1941 с., бэс ыйа

Тылбытын байытабыт

Болуоннаһа — иирсэ, охсуһа, кыргыһа.
Тэргэттэр — эстэр күүстээх сэптэр, бууска, артыллыарыйа.
Тууспан — ураты суостаах уот.
Курдаҥ тиит — куурбут, хаппыт мас.

Ыйытыылар уонна сорудахтар
1. Андаҕар ханнык түгэннэргэ туттуллар эбитий?
2. Айымньыны ааҕан, ис хоһоонунан көрөн, чаастарга үллэ ­
риҥ. Тоҕо маннык үллэрбиккитин быһаарыҥ.
3. Бэйиэт бу айымньыга бар дьонугар этэр андаҕара киһи хан­
нык туругун күүһүрдэрин, ыар кэми тулуйан, уһаарыллан,
кыайыыга тиийэргэ ыҥырыытын ырытыһыҥ.

Тыыннаах тыл

y Айымньы тылыгар былыргы андаҕар тыла-өһө хайдах туттуллу-
бутун кэтээн көрүҥ, суолтатын быһаарыҥ.
y Бэйиэт «Биир бэйэҥ биэс буол» диэн кимиэхэ туһаайан этэ-
рин, этии суолтатын хайдах өйдүүргүтүн быһаарыҥ.

26