Page 32 - Литература 11 кылаас 1 чааhа

Кыайыы музыката ньиргиччи тыаһаатаҕына,
Кыһыл былаах хамсыы турдаҕына,
Кыргыттар үөрбүт харахтарын көрдөххүнэ,
Оҕолор кэрэ күлүүлэрин иһиттэххинэ —
Оччоҕо ордук өйдүүгүн тохтубут хаан
Туһата суох таах хаалбатаҕын.
1943 с.

Ыйытыылар уонна сорудахтар

1. Тимофей Сметанин хоһоонноругар Ытык Иэс диэн өйдөбүл
хайдах тиэрдиллибитий?
2. Бэйиэт хоһоонноругар саллаат сэрии кэмигэр күннээҕи
олоҕо, баҕа санаата, уустук дьылҕата хайдах арылларый?
3. Саллаат сүрэҕэ сирдээҕи дьол диэн тугу ааттыырый? Эһиги
дьол туһунан санааҕытын кытта ханнык түгэннэргэ алтыһа­
рый?
4. Саллаат махтала туохха, кимиэхэ, тоҕо туһуланар эбитий?

Тыыннаах тыл

y Т. Сметанин хоһоонноруттан киһи өйүгэр-сүрэҕэр хатанар бэр-
гэн этиилэрдэ булуҥ, суолталарын быһаарыҥ.
y Эһиги оскуолаҕа үөрэнэргит устатыгар Т. Сметанин оҕолорго
аналлаах остуоруйаларын, көрдөөх, көрүдьүөстээх хоһооннорун,
кэпсээннэрин, саха саллаатын уобараһын арыйар сэһэнин, саха
истиҥ иэйиилээх тапталын туһунан норуот номоҕор олоҕурбут
үтүөкэн дырааматын аахпыккыт. Олор ааттарын өйдөөн этиҥ.
Кини айар үлэтин туһунан кэпсэтиһиҥ. Ити айымньыларыгар
туттубут, дьоҥҥо кэрэхсэппит ураты ньыматын санатыһыҥ.

ЧИНЧИЙЭР ҮЛЭ

1. С. Васильев уонна Т. Сметанин хоһооннорун тэҥнээн ыры­
тыҥ. Майгыннаһар уонна уратылаһар түгэннэрин быһаа­
рыҥ.
2. Т. Сметанин кинигэлэриттэн фроннааҕы хоһооннорун наар­
даан хомуурунньукта оҥоруҥ. Саамай сөбүлээбиккитин та­
лан, өйтөн ааҕа үөрэтиҥ.

32