Page 123 - Литература 11 кылаас 2 чааhа

саарба ньээлбэтин сүөрбүтэ, саһыл тыһа бэргэһэтин, бэдэр
саҕынньаҕын устан көхөлөргө ыйаталаат, уот иннигэр кэлбитэ.
— Эн эбиккин дуу? — Тыгын аһаабытын кубулуппакка оло-
рон, уолугар көҕүл олоҕу ыйбыта, оттон ийэтэ аһы улахан уолу-
гар чугаһата сыҕарыппыта — Марҕа сааһыран истэҕин ахсын
дьоно кинини Туймаада биир бастыҥ ыалынан билинэллэрэ
бэйэлэриттэн тутулуга да суох улаатан иһэргэ дылыта. — Бач-
ча киэһэ бу ханна бардыҥ?
— Ырааппаппын, — Марҕа кэлэн сандалыга олорон боч-
чумнаахтык, тэҥнээх киһилии хоруйдаабыта. — Сүөһү-ас түбү-
гэ күннэри-түүннэри сүүрдэр, хайыаххыный.
— Киһи-киһи тус-туһунан дьылҕалаах, дьылҕаҥ оннук буол-
лаҕа, — аҕа киһи түгэхтээхтик саҥарбыта.
— Оннук ини, мин атыттар курдук эттээх ат үрдүгэр түһэ-
түһэ улуу уустары кэрийбэппин, кинилэр баайдарыгар өҥөл-
дьүйбэппин. Бэйэлээх бэйэм киэнин төрөөтөр-ууһаатар диэн
мөхсөбүн.
— Ким да онон эйигин сирэйгэ-харахха аспат ээ, — аҕата
уолун хаҕыс тылларын кулгааҕын таһынан аһарбыта. — Туохха
кэллиҥ?
— Аҕам Тыгын Дархан, ийэм Аабый Дархан, иккиэҥҥитигэр
иһитиннэриим, иккиэн сүбэлээх-соргулаах тыллары эттэххи-
тинэ сатанар.
Кыргыттар баалларыгар-суохтарыгар кыһамматтыы, ийэ-
лээх аҕатыгар эрэ чопчу саҥарбыта. Аабый Дархан хаҥас
диэки барыах курдук гынан иһэн тохтообута, олоҕор хаттаан
олоро түспүтэ. Үйэннээх эмиэ сэргэҥнэспиттэрэ.
— Дьэ, истэбит, — диэбитэ ийэтэ.
— Мин улаатан борбуйбун көтөҕүөхпэр диэри эһэм аахха
олорбуппун эһиги бэрт үчүгэйдик билэҕит. Кинилэр үөскэп-
пит-төрөппүт сүөһүлэригэр мин даҕаны үрүҥ-хара көлөһүнүм
тохтубут буолуохтаах. Эһэм Мунньан Дархан баайыттан миэхэ
тиксиһиннэрдэргит диэн, анаан-минээн тыл ыһыкта кэллим.
Аҕата Тыгын саҥата суох дьэбин уоһуйан, иҥиэттэн кэбис-
питэ, кини улахан уола инньэ диэн хаста да тыл быктарбытын
истибитэ. Санаан испит дириҥ-далай кэскиллээх санааларын
бүгү күннээҕи кыра, быычыкайкаан, иилэҥэй мучумаанна-
рынан иирдэн иһэллэрин букатын сөбүлээбэккэ олороро —
кини улахан уолуттан улаҕалаах дириҥ өйдөөх түспэ дархан
киһи тахсыа суоҕун билбитэ ыраатта.
— Оттон ити айан төрөппүт аар тойон аҕаҥ олорор, эн ону
кинилиин быһаарсыс, — Аабый Дархан дьахтар киһи букатын

123