Page 127 - Литература 11 кылаас 2 чааhа

айаа таата, соноҕос буолан дьохсооттоото: ким барыта кинини
дьоллоох Туймаада эбэ хотун баһылыгын Тыгын Дархан ааты-
нан билэр.
Кини аччыгый уолаттара, Чаллаайы уонна Бөдьөкө, удьуор
харалылар, кини туйаҕын хатарыах, кини аатын ааттатыах
курдуктар. Улахан уола Марҕа курдук ынахтарын-сылгыларын
кутуругуттан тутан баран сытыа суохтар. Соноҕос ат чуораа-
дыйар туйаҕа тиийэринэн барыах-кэлиэх — аҕаларыгар икки
дайбыыр кынат буолуох быһыылаахтар. Оннук эрэ буоллу-
нар — харса буурай санаалаах халыҥ Хаҥалас улуу ууһугар
тумус дьон аатын ылан баһылаан-көһүлээн сырыттынар!
Тыгын Дархан бүгүҥҥү санаата итинэн түмүктэнэн, сылбай
уутугар сытан сынньаммыта.

Тылбытын байытабыт
Одуну ойууҥҥа албаска куоһана — одуну ойуун албаһыгар
уһуйулла, үөрэнэ.
Нороҕодуйар, түспэдийэр — боччумурар, налыйар, уоскуйар,
бытаарар.

Ыйытыылар уонна сорудахтар
1. «Тус­туһунан алаастар, үрэхтэр устун саах балаҕаҥҥа
саспыт, бу эн курдук татым өйдөөх­санаалаах дьоннор
олус үксээтилэр» — диэн Тыгын уолугар этиитин түгэх
санаата тугуй?
2. «Мин атыны өйдүү сатаабаппын: миэхэ ынахпын, сыл­
гыбын хайдах сыл таһаарарым — ол мин өйбөр баар.
Үрүлүйбүт баайбын­дуолбун үксэтэр, үлүннэрэр. Онтон
ордук кыһалҕа суох. Ол да сөп гынар» — диэн Марҕа олоҕун
сыалын быһаарарга холонуҥ.
3. «Өй­санаа күннээҕи олох кыһалҕалаах кычымыттан кыа­
йан өрө көппөт соро кэллэҕэ. Булбут эрэ муннун анныгар,
онтон ордук өйдөммөт үлүгэрэ. Атах тумсуттан ырааҕы
анаарбат алдьархай» — айымньы сүрүн дьоруойун дьик-
синиитин төрүөтүн ырытыҥ.
4. Сэрии уонна Ил туһунан Тыгын толкуйун, санаатын булан
сурунуҥ.

127