Page 144 - Литература 11 кылаас 2 чааhа
P. 144
Онон-манан сиҥнибит окуопа устун икки өттүнэн сайгыл-
дьыйан хааман Головин майор, кэнниттэн Лобода хардыы ах-
сын тэмтэрийэр сэниэлэрэ эстибит уонча саллааты батыһын-
наран иһэллэрэ.
— Биһиги туспутунан икки танк иһэллэр. Дьэ, кытаатыҥ,
уолаттар. Кылаабынайа, паниката суох… Эн хайа омуккунуй? —
диэн майор Охоноонтон ыйыппыта.
— Саха, табаарыс майор, — диэн Лобода урут хардарда. —
Туйгун ытааччы… Мааҕын сөмөлүөтү кини суулларбыта.
— Бэрт! Пулемёту билэҕин дуо?
— Билэбин, табаарыс майор.
— Руденко, пулемёту биэр, винтовканы ыл, тааҥкалары кы-
тары пехота кэллэҕинэ, олору быһыахха наада. Чэ, кытаатыҥ,
уолаттар! Эһиги аппаҕа саамай чугаскыт. Аппаттан сэрэнээ-
риҥ, ону батыһан кэлиэхтэрэ.
Тааҥкалар өтөр көстүбүттэрэ. Эмискэ бөлкөй ойуур саҕа-
тыттан соҕотох бууска ытан ньиргийбитэ. Утуу-субуу икки сна-
ряд тааҥка иннигэр өрө бурҕайбыта. Тааҥкалар, утары ыта-
ыта, тиийэн тэпсэн кэбистилэр быһыылааҕа. Сэрэйбиттэрин
курдук, тааҥкалар аппаҕа киирбиттэрэ уонна чочумча соҕуһу-
нан кини лэр иннилэринэн күөрэйбиттэрэ. Бу улаханнарын!
Мэктиэ ти гэр, сир ньиргийэргэ дылы. Тугу барытын ньимси үк-
түөх айы лаах багдаһан кэлбиттэрэ киһини эрэ салытыннарыах
чымаан көстүү этэ. Аны кэннилэриттэн саллааттар бытарыһан
таҕыс тылар. Охоноон уҥуоҕа халыр босхо баран, мүлү-халы
хас да уһун уочараты биэрбитигэр хаптайан биэрдилэр быһыы-
лаах, мэлийэн хааллылар.
Филимонов өр баҕайы кыҥаан баран, утуу-субуу иккитэ
ытта. Иккиһигэр бастакы тааҥка тиһилигэ быстан кулахачыйа
түстэ. Иккис тааҥка, ытыалыы-ытыалыы, кэннинэн чинэрийэн
аппаҕа киирбитэ. Алдьаммыт тааҥка люга аһыллан, хара та-
ҥастаах түөрт киһи ойон тахсыбыттарын Охоноон тута охтор-
тообута. Эмиэ Лобода ойон кэлэр.
— Молодцы, ребята! Наҕараадаҕыт бу баар, — диэт, үгүс
кэпсэтиитэ суох Филимоновка немецкэй билээгэни туттаран
кэбистэ.
— Вот, дьэ, бу — үчүгэй дьыала! — Филимонов үөрэ түһэр. —
Хаһан кэлэрэ биллибэт мэтээлгэ бэриллибэт ас!
Лейтенант барбытын кэнниттэн Филимонов билээгэлээх
арыгыттан икки куруускаҕа кутар.
— Давай, Афоня, кыайыы туһугар…
— Чэ…
144
