Page 148 - Литература 11 кылаас 2 чааhа

Өстөөх илиитигэр киириэм эрэ диэн түһээн да баттаппакка
сылдьан, билиэҥҥэ түбэспитин дьэ өйдөөбүтэ.

* * *
Арай эмискэ хантан эрэ ыраахтан хаас хаҥынайарыгар ды -
лы дьикти саҥаны истэн, дурдатыгар кэтэх тардыстан бэрт
холкутук сыппыт Охоноон олоро биэрэн, төбөтүн ньыхаччы тут-
тан эргичиҥнии түстэ. Үөс диэкиттэн аллара баҕайынан сэттэ
хаас даллайан иһэллэрин көрө түстэ. Саатын булгу тутан бө-
дөҥ доруобунньуктаах ботуруону анньыталаата, кирийиэҕинэн
кирийэн кэтэһэн олордо. Хаастар профиллары көрдүлэр бы-
һыылаах, чуор баҕайытык саҥара-саҥара, субу багдаһан кэл-
лилэр. Охоноон биир саамай бэтэрэнэн иһэр хааһы иннинэн
соҕус холоон батыһыннаран иһэн утуу-субуу ытта. Арай хааһа
төбөтүн оройунан барда, кулаачыктанан хордоҕойго тиийэн
пөс гына түстэ. Охоноон саатын эһэн кэбиһэн баран, сүүрэн
тиийэн булдун моонньуттан өрө тардан ылла.
— Тыый, хоҥор! Бу эбэм биэрдэҕин көр!
«Лис» тахсан улахана, кыраһыабайа да бэрдиттэн уонна
өтөр-наар туппатах булдуттан Охоноон тиритиэр диэри үөрдэ.
Имэрийэ-имэрийэ дурдатыгар илтэ, кутуругун төрдүттэн сыа
түүтүн быһа тарта. Өйүөтүн мөһөөччүгүн хаһан, сөмүйэтигэр
арыы ымньаан ылан, хааһын тумсугар сотто.
Маннык улахан хоҥору көрбөтөх ыраатта. Дэҥҥэ түбэс тэ-
ҕинэ, дьоҕус, эриэн түөс эҥин буолааччы.
Булт үөрүүтэ диэн дьикти даҕаны, Охоноон түөһүн иһигэр
туох эрэ ип-итии баар курдук. Ол эрээри бу үөрүү — кимниин
эрэ, чугас дьоҥҥунуун үллэстэргэ аналлаах үөрүү. Билигин
онтунан тутах. Миитэрэй көрөн олордоҕуна түһэрбит буол. Оо,
ол киһи төһө эрэ омуннурар, этэн көрө-көрө күлэн күһүгүрэ-
тэр этэ! Өстүбэһи ол киһи манна кэллэҕинэ уларыйан хаалар.
Куоракка дэҥҥэ көрүстэххэ симик, бытаан саҥалаах, соччо
күлбэт-үөрбэт, көннөрү уоһун үмүрүччү туттан мүчүк-мүчүк
гынар эрэ.
Чэ бээ, киэһэлик кэлэр ини. Үчүгэй кэһии! Үчүгэй…
Охонооҥҥо олус эрдэ, арааһа, сэттэлээх-аҕыстаах уолга,
аҕата анаан куораттан саа атыылаһан таһааран биэрбитэ. Дэ-
лэҕэ, дьон сүөлүргүөхтэрэ дуо, уолларын наһаа атаахтык иитэн
эрэллэр, тугунан туолуйар диэн.
Оччоҕо бу дойдуга отун-маһын төрдө бүтүннүү көтөр-сүү -
рэр. Арай иитии кэмчи. Онон хоһулаппакка мэнээк ыппаккын
уонна хайаатар да көтөр бөдөҥүн тала сатыыгын. Арай биир-

148