Page 153 - Литература 11 кылаас 2 чааhа

һа», — диэн, ааспат-арахпат муҥнаах санаа эрийэр. Орто дой-
ду олоҕун дьэ, кини төһө бэркэ олордо? Кини дьиҥ бэйэ тин
анала-чааһа барыта илиитин таһынан ааһа турда буол баат?
Олох туһугар туруулаһарын, былдьаһарын-тараһарын оннугар,
өлүүтүн мыыммыт атаах оҕолуу, түмүктээһиннээх түгэн аайы
туора хааман биэрбит кимий?!
Эмиэ эмпэрэ сирэйэ сууллан, уу тыаһа курулаата. Охоноон
онно өйдөөн көрбүтэ мааҕын кини уотун оттуоҕуттан миэтир-
гэ чугаһыыр уу өрө анньыбыт. Эбэ дьоҕус, намыһах арыы-
лары мастары-оттору мэлдьэһэн, уҥуоргу мырааҥҥа диэри
мэндээрийэн хаалбыт. Улахан үөс сүүрүгэ биллэ бытаарбыт.
Мааҕыҥҥа диэри ыраас турбут тас үөскэ муус бөҕө киирэн
эрэрин көрдө. Улахан харыы буоллаҕына, муус киһини хаайыар
сөп. Массыыналаах дьон бачча оҥоһуулаах суолга өр гым-
макка кэлэллэр ини. Миитэрэй кэлэрэ үчүгэй даҕаны. Арай
мааҕын Сэргэй: «Киһиҥ кэлбэт, онон кэтэспэт үһүгүн», — диэн
киирбит буоллун? Төһө эрэ хобдох буолар этэ.
Миитэрэй бэҕэһээ кэлбитэ буоллар. Бүгүн сирин-дойдутун
үтүөтэ барыта ууга барда. Хомустаах күөл арҕаа кирбээтин
арҕаһа, Кулуһуннаахтан иирэтин төбөтө эрэ көстөллөр.
Үөлбүт собо минньигэс сыта таныыны кычыгылатта… Охо-
ноон туран уот өттө саһарчы буспут соболору эргитэн аста.
— Дьонум билигин кэлэллэрэ буоллар ип-итии собонон көр-
сүө эбиппин, — диэн, саҥа таһааран ботугураан баран, арҕаа
диэки көрбүтэ, тас үөс уҥуор элбэх баҕайы сүгэһэрдээх үс
киһи кумах эниэни таҥнары хааман түһэн иһэллэр эбит. Хаҥас
диэкилэрэ Сэргэй буоларын таҥаһынан тута сэрэйдэ.
Эрдэттэн бэлэмнээн түөһүгэр иилиммит бүнүөкүлүн ылан
хараҕар таҕайда. Уҥа өттүгэр Миитэрэйэ иһэр эбит. Тугу эрэ
саҥарар, илиитэ күөрэҥнэс. Оттон ортокулара. Матаахап.
Кини, кини быһыылаах. Хайдах-хайдаҕый? Алҕаһаатым ини.
Кини тоҕо кэлиэй?
Оҥочотун үөскэ аста. Оргууй аҕай уҥуоргу биэрэк диэки
салайда.

Ыйытыылар уонна сорудахтар

1. Сэһэн сүрүн дьоруойугар Охоноон Уордаахапка тоҕо Үрдүк
Арыы ордук күндүнүй?
2. Охоноон ааспыт уонна билиҥҥи олоҕун туһунан санааларын
ситимин болҕойуҥ.

153