Page 154 - Литература 11 кылаас 2 чааhа

3. Охоноонноох Миитэрэй оҕотук саастарыгар сэрии туһунан
өйдөбүллэрин уонна уоттаах сэрии кырдьыгын тэҥнээн
ырытыҥ.
4. Саастаах саллаат Филимонов саҥатын­иҥэтин өйдөөн хос
ааҕыҥ. Санаатын Охонооҥҥо аһаҕастык этэригэр кини тугу
билэрэ көстөр эбитий?
5. Сэрии бэтэрээнэ олорбут олоҕунан тоҕо астымматый, ол сү­
рүн төрүөтэ туох эбитий? Киниэхэ атыннык олорор кыах
баара дуо?
6. Охоноон хоту сылдьан Эһэ Хайа хаайыытыгар түбэспит мо­
йуор Головины көрсүһүүтүн тоҕо олус ыараханнык ылым-
мытай?
7. Охоноон үөлээннээҕэ Миитэрэй туһунан санаата, сыанабыла
туохха олоҕурарый, ол хайдах уларыйарый?

Тыыннаах тыл

Суруйааччы сэһэнигэр Охоноон да, Миитэрэй да тас көрүҥнэ-
рин сиһилии ойуулаабат. Айымньы ис хоһоонуттан, оҕонньоттор
олохторун илгэтиттэн таһааран, доҕордуулар дьүһүннэрин-бодо-
лорун икки бөлөҕүнэн үллэстэн мэтириэттэрин дьүһүйүҥ.

АНААН ДЬҮҮЛЛЭҺИИ

1. Сэрии суостаах охсуута дьон олоҕор өр кэмнээх дьайыыта.
2. Билиэн, концлагерь — көҥүл быстыыта, Охоноон ааспыт
суола. Кини сэрииттэн эргиллэн баран көҥүл олоҕу олорбут
дуо? Кини санаатын ситимигэр ол хайдах көстөрүн кэпсэ-
тиҥ.

ЧИНЧИЙЭР ҮЛЭ

1. Доҕордуулар Охоноон уонна Миитэрэй олохторун, санаала-
рын, иэйиилэрин майгыннаһар уонна уратылаһар өрүттэрэ.
2. Айымньыга ааспыт кэми сиһилээһиҥҥэ ааптар туттар ньы-
мата.

154