Page 234 - Литература 11 кылаас 2 чааhа
P. 234
Ыалдьыты үөрэ көрсөр
Аламаҕай санаалаах эмээхситтэргинэн.
Ханнык да кэмҥэ, ханна да сылдьан
Киэн тутун, эн саха буоларгынан!
1983 с.
КӨМҮСТЭН КҮНДҮ
Күндүттэн күндү,
Көмүстэн күндү
Киһи —
Киһи барахсан!
Киһи олорор олоҕор
Киһи буоларын
быһыытынан
Баҕар, алҕаһаатын,
Бар дьоннуун кыыһырсан
да ыллын,
Баҕар, тосту-туора хааман,
Билэр, билбэт дьонуттан
Кини — сэмэлэннин,
Син биир күндү,
Көмүстэн күндү —
Киһи барахсан!
Киһи барахсан
Күлүмнүүр күҥҥэ
тэҥнээх,
Кыһыны солбуйар
сааскыга тэҥнээх!
Кэрэ сибэккилии тардар күүстээх,
Күөх суугун ырыалаах,
айылҕалыы күүстээх!
Киһи барахсан —
Сир Ийэлии өлбөт аналлаах,
Кэннигэр хаалларар —
кэнчээри ыччаттаах.
1983 с.
234
