Page 63 - Саха тыла 5 кылаас

Бөдөҥ көтөр куорсуннарын анньыталаабыт курдук сэдэх
эрбэһиннэргэ чооруостар көтөллөр. Кинилэр аһыырдаа-
ҕар көрүлүүллэрин ордорор быһыылаахтар. Халлыбыт тор-
ҕо күөх халлаан соҕуруулуу-илин, кытыыта ыыстыйбыт үүт
үрүмэтинии, сымнаҕастык тэтэрэн эрэр. (Амма Аччыгыйа)

II. Тэҥнээһини туттан этиитэ толкуйдааҥ. Бэйэҕиттэн эмиэ хо-
лобурда аҕал.

Сир симэҕинии, курустаал таас курдук, кулуннаах биэ-
ҕэ дылы, киһи айаҕар киириэх курдук, куба маҥан, хаас
сымыытын саҕа.

Барамайы, көстүүнү тас бэлиэтинэн (сыспай сиэл-
лээх — сылгы, икки атахтаах — киһи, киһи аймах) эбэ-
тэр атын барамайга майгыннатан, холуйан (сибэкки —
кыыс, мохсоҕол — уол) хоһуйууну холооһун (мэтээ-
пэрэ — метафора) дэнэр. Маннык ньыма тиэкиһи,
саҥарар саҥаны чаҕылхай кырааскалыыр, ааҕааччы-
га-истээччигэ быдан тиийимтиэ, этигэн оҥорор.

117. Сорудаҕы болҕойон оҥор.

I. Тиэкистэн холооһуну булан быһаар.

Оҕолорун ууга саҥардыы киллэрбит улун кус үөскэ
чалбааттыы сылдьар. Улун умсан хаалар. Оҕолоро ки-
нини сүтэрэн, үрүҥ түү мээчик курдук тарҕаһа төкүнү-
һэллэр. Онтон ийэлэрэ, ойоҕолуу күөрэс гынаат, моон-
ньун уһатан, ыҥырардыы күөкэҥниир. Үрүҥ түү мээчик-
тэр саба сырсан тиийэн, көхсүгэр чөмөхтөһө түһэллэр.
(Амма Аччыгыйа)

Хаарыам! Хаарыаннаах Эн туллуккун, Эн хопто-
Хатыыс маҥан хаарыам! ҕун, Эн кынтайар кыталык-
кын, Эн кылбаарар кубаҕын!
(Бүөтүр Тобуруокап)

63