Page 66 - Саха тыла 5 кылаас

Мастар маҥан саҕынньахтарын кэтэннэр, хамсаабакка
таалан тураллар. Болбукта, ыарҕа бөлкөйдөрө нэк суор-
ҕаны бүрүнэн нухарыйан сыталлар. (Николай Тарабукин)

II. Тыыннааҕымсытыы холобурун туттан, этиитэ толкуйдаа. Бэ-
йэҕиттэн да холобурдаа.

Көлүччэ мичээрдиир, күөҕүнэн көрсүһэр сайылыкпыт,
айылҕа уһугунна, миигин күүтэр хатыҥым, алгыһынан
айхаллыыр алааһым.

29 §. Омуоньум (Омоним)

121. Аллара бэриллэр түөрт тыл лиэксикэлии суолта-
тын быһаар.

Тайах, хаас, моонньоҕон, саас.

Тус-туһунан өйдөбүллээх эрээри, биирдик этиллэр
тыллары омуоньум дэнэр. Хас да түбэһиэх тыл биир-
дик иһиллэриттэн үөскүүр. Онон араас саҥа чааһа
буолар тыллар эмиэ бу кэккэҕэ киирэллэр.

Х о с б ы һ а а р ы ы: Элбэх суолталаах тыл тыл-
дьыкка биирдэ киирэр. Оттон омуоньум кэккэтин хас
биирдии тыла туруору кэккэнэн тус-туспа суруллар.
Онуоха үөһэ уҥа өттүнэн сыыппаранан бэлиэтииллэр.
Холобур:

Ас1, аат. 1. Киһиэхэ аһылык буолар туох эмэ. Ос-
туолга ас хоточчу тардыллыбыт. Ас маҕаһыына. 2. Ки
һи сиир үүнээйитин сиппит үөскэҕэ, туорааҕа. Бур-
дук ас куппут. Оҕурсубут саҥардыы ас биэрэн эрэр.
3. Көсп. Туһа, көдьүүс. Мантан ас тахсыа суоҕа. 4. Ал-
дьархайтан ас тахсар (өс хоһ.).

Ас2, аат. Киһи баттаҕа, баттах. Чанчыгын аһа. Кэ-
тэҕин аһа. Уһун астаах кыыс.

66