Page 84 - Саха тыла 5 кылаас

Хатылааһын

152. Билиибит төһө иҥмитин билгэлээн-бэрэбиэркэлээн,
чиҥэтэр соруктаахпыт. Онон дуоспуруннаахтык
тойоннуохха.

1. Лиэксикэ туһунан таабырыннаһыҥ.

1. Эрэйдээх-буруйдаах Эр Соҕотох баар үһү. 2. Биир
бэйэм биэс буолуом диэн бэрдимсийээччи баар үһү.
3. Икки сирэйдээх этигэн эрдьигэн баар үһү. 4. Атын ай-
махтан кэлэн, атас-доҕор буолар баар үһү. 5. Сиэттиһэ
сырыттахтарына, ситэри сэниэлэнэр сиэдэрэй сэгэрдэр
бааллар үһү. 6. Тус-туһунан идэлээх игирэлэр бааллар
үһү. 7. Ханыыластахтарына, харсар хааннара хайҕаллаах
хаачыстыбаҕа кубулуйар үһү. 8. Тулалыыр эйгэни туйгун-
нук туоһулуубун диир баар үһү.

2. Тыл лиэксикэлии уонна кырамаатыкалыы суолталаах
диэн араарабыт. Ол аата тугунан эмэ уратылаһар буоллахта-
ра дуу?

3. Сорох киһи хас да идэлээҕэр-дьоҕурдааҕар дылы, тыл
элбэх суолталанар. Ити тоҕотун дьиктиргиигин дуо?

4. Тыл көнө уонна көспүт суолтатын холобурдаан көрдө-
рүү. Уустаан-ураннаан этэргэ хайата ордук улахан оруоллаах
буолуон сөбүй?

5. Тыл көспүт суолтатыттан ханнык ойуулуур-дьүһүннүүр
ньымалар үөскүүллэрий? Олортон хайатын ордороҕунуй?

6. Омуоньум, онтуоньум, синиэньим тыл эйгэтинээҕи
эҥин араас сыһыаны бэлиэтииллэр. Ону бэркиһиибит, сө-
ҕөбүт. Балар бэйэ-бэйэлэриттэн туох уратылаахтарый? Ити-
лэрэ суох саҥабыт-иҥэбит, сурукпут-бичикпит хайдах буолуо
этэй?

84