Page 56 - Саха тыла 6 кылаас
P. 56
хайааччы аатын бэлиэтээһин: ыт, эт, күрээ, төлөө.
93. Биир олохтон хас да аат тылы үөскэтиҥ. Ким урут
толорор эбитий? Холобур: көр көрөөччү, көрүк,
көрүнньүк, көрүҥ, көрбүөччү.
Т у һ а н ы л л а р т ы л л а р: суруй, тур, күөл.
94. Тыл диэн олохтон ким элбэх аат тылы үөскэтиэй?
95. I. Ордук ханнык барамайы бэлиэтиир уопсай аакка
-чаан сыһыарыыны эбиэҥ этэй?
II. Анал аакка араас кыратытар, эйэргиир дэгэттээх
сыһыарыы эбиллэр кыахтаах. Холобур: Аана Аанчык,
Ааныс, Ааныска, Ааныка, Ааныкчаан, Ааный. Тоҕо?
III. -ааһын сыһыарыы сороҕор табыгаһа суохтук,
сыыһа туттуллар. Оччоҕо ханнык табыгастаах, сөптөөх
ньыманан солбуйуохха сөбүй? Холобур, хайата орду-
гун сыаналаа: уруогу ааҕааһын чааһа — уруогу ааҕыы
чааһа, уруогу ааҕар чаас. Аны бэйэҥ ситэрэн тупсар:
Үлэҕэ ситиһээһин, дьыала киирээһинэ-тахсааһына, оҕо
үлэҕэ кыттааһына, салалта ыйааһына-кэрдээһинэ.
96. Тэҥнэнэр аат тыллар суолталара тугунан эмэ
уратылаһаллар дуо?
Атыы — атыылааһын — атыы-тутуу — атыыһыттааһын;
Саргычык — Саргычуок — Саргычаан; Эрчим — Эр-
чимчик — Эрчимчээн — Эрчимэй — Эрчимээски —
Эрчимээс; куоска — куоскачаан — куоча; оҕоһут —
оҕолооһун — оҕорҕооһун; эҕэ — эҕэһит — эҕэлээһин,
быраат — быраатыка — быраатыкам — быраатчаан —
бырааттаһыы.
97. Хаһыаттан -ааһын, -чаан сыһыарыы дьүөрэтэ суох
миэстэҕэ туттуллубутун булуҥ. Ону атын ханнык
халыыбынан солбуйуохха сөбүй?
56
