Page 86 - Саха тыла 6 кылаас

Хаачыстыба даҕааһына маннык сүрүн уратылаах:
— күүһүрдэр эбиискэ (хап-хара, сабыс-саҥа)
эбиллиэн сөп;
— иннигэр күүһүрдэр тыллаах (олус улахан, на-
һаа үчүгэй) буолуон сөп.
Сыһыан даҕааһына барамай тулалыыр эйгэҕэ,
кэмҥэ, барамайга туох сыһыаннааҕын бэлиэтиир.
Сыһыан даҕааһына маннык сүрүн уратылаах:
— мэлдьи атын аат тылтан, сыһыаттан анал сы-
һыарыы (-тааҕы, -ҥы, -лаах) көмөтүнэн үөскүүр, хо-
лобур: ойуур-дааҕы, сайыҥ-ҥы, доҕор-доох;
— күүһүрдэр эбиискэ сыстыбат (оп-ойуурдааҕы,
сап-сайыҥҥы, доп-доҕордоох дэммэт).

158. Хаачыстыба даҕааһыныгар уонна сыһыан даҕааһыныгар
биэстии холобуру бул.

Ситимнээх саҥа

ТОЙОННООҺУН

Туох эмэ санаа сөбүн-сыыһатын дакаастыыр тиэ-
кис тойоннооһун диэн ааттанар. Тойоннооһун хан-
нык баҕарар кэпсэтиигэ, суруйууга киириэн сөп.

Тойоннооһун маннык тутуллаах буолар:
1. Тиэсис (дакаастанар сүрүн санаа).
2. Дакаастабыл: холобур, сыыппара, атын киһи этии-
тэ, бэйэ санаата, о.д.а.
3. Түмүк этии (санаа).

86