Page 97 - Саха тыла 6 кылаас
P. 97
Мин Айаалы тоҕо атын уолаттартан чорботон ордор-
дум? Кини олус эйэҕэс, үлэһит, өйдөөх, толоругас, эппиэ-
тинэстээх. Бэйэтэ ис киирбэх дьүһүннээх.
Биир табаарыһым Айаалы табах тардар диэбитэ. Бил-
бэтим, баҕар, тардара да буолуо. Ол эрээри кими да
кытта иирсибэт. Улааттаҕына, табаҕын быраҕыа дии са-
ныыбын.
Мин кинини кытта доҕордоһуохпун олус баҕарабын.
Кини үчүгэй доҕор буолуо диэн эрэнэ саныыбын.
(Хаһыаттан)
19 §. Даҕааһын ааты
саҥарар саҥаҕа туттуу
Даҕааһын аат кэпсэтии да тылыгар, уус-уран айымньыга
да бэрт киэҥник туттуллар. Даҕааһын, барамай эҥин-эгэлгэ
бэлиэтин көрдөрөр буолан, тылы-өһү олус байытар, киэргэ-
тэр. Саха тылыгар майгыннаһар уонна утарыта суолталаах
даҕааһын олус элбэх. Ол ордук олоҥхо баай-талым тылыгар
толору көстөр.
Даҕааһын көспүт суолтаҕа туттуллуута уус-уран айымньыга
элбэх буолар: мэник буулдьа, хара санаа.
Кэнники кэмҥэ нуучча тылын сабыдыалынан даҕааһын ааты
аат туохтуур үтүрүйэн эрэр: тоҥ балык — тоҥоруллубут балык.
Онтон сылтаан, сахабыт тылын этигэн күүһэ мөлтүүр.
179. Ыстатыйаҕа даҕааһын аат хайдах туттуллубутун
кэтээн көр. Быһаарыы буолбут даҕааһын ааттары
булан уһул.
1. Өксөкүлээх Өлөксөй саха омук былыргы устуоруйа-
тын, төрүт култууратын, хомоҕой тылын-өһүн дириҥник
чинчийбитэ. Норуот тылынан уус-уран айымньытын үйэ-
лээх үгэстэрин, этигэн ньымаларын бэркэ диэн билэрэ.
Ол да иһин саха омук үйэлэргэ киэн туттар чулуу айым-
ньыларын айан хаалларбыта.
97
